My Ideale Maat

Die vraag gaan opkom by baie hoekom hierdie post? My eerste reaksie sal wees, hoekom nie? Maar dit is ook nodig dat ek tog verduidelik wat ek wil bereik met hierdie post. Dit is nie advertensie van my kant af nie, hierdie is my gebed, my hoop en my droom vir myself en ook eendag vir my kinders.

Aan my Ideale Maat

Ek hoop jy sal God in jou lewe eerste stel. Nie dat ek verwag jy moet perfek wees nie maar sodat jy die wysheid het om te weet Hy vergewe ons, ons sonde en dat die pad wat ons loop altyd saam Hom sal wees. Vanaf God spruit ware liefde. Sonder dit kan geen verhouding werk nie.

Ek hoop dat voor jy die spieel, skaal of die vyand glo jy my woorde eerste sal ter harte neem oor jou voorkoms. Ongeag jou gewig bly jy die mooiste vrou vir my. Ek glo dat as jy mooi na jouself kyk en netjies is op jouself die res nie saak maak nie. Ek weet dat aangetrokkendheid kom nie vanaf die fisiese nie maar uit ons gesindheid en hoeveel ons mekar die prioriteit in ons eie lewens maak.

Ek hoop jy het ‘n hart vir kinders. Die wysheid om te weet dat hulle ook mensies is met foute maar dat hulle eintlik net tonne liefde nodig het. Kinders bly kinders en dit is belangrik dat jy weet naas God en jy is die kinders die belangrikste. In daardie orde. Sien ‘n paartjie wat eerste op mekaar fokus sal nooit teen mekaar opgesweep raak nie, sal altyd in wysheid die kinders kan help om die goeie mense wat hulle kan wees te word.

Ek hoop dat jou hart oorloop van passie en dat jy nie in die strik sal val van gemaklikheid met mekaar nie. Ek hoop om elke dag net meer verlief te kan raak, om elke dag dieselle of meer jou aandag te kan kry as die vorige. Ja die lewe laat nie ons altyd toe om ten volle elke dag bymekaar uit te kom nie. My hoop is dat ons mekaar sal najaag elke dag vorentoe vir ons eie geluk en as voorbeeld vir ons kinders van hoe hulle nagejaag moet word.

My hoop is dat ek jou so mooi sal behandel dat jou vriendinne moeg sal word oor die goeie goed wat jy van my sê. Dat my vriende moeg raak vir die ewigdurende glimlag op my gesig. Dat die mense om ons elke dag wonder hoeveel dae terug het ons van wittebrood af gekom dat die geluk nog so by ons uit straal.

Ek glo in ‘keuse liefde’. Dit beteken ek sal elke dag kies om jou lief te hê, jou liefdestaal te praat. My hoop is dat jy ook elke dag sal kies om my lief te hê en my liefdestaal te praat. Keuse liefde is sterker as die omstandighede waarin ek en jy ons gaan vind. Dit is liefde wat die toets van tyd sal deurstaan.

Ek weet ek is ‘n goeie man. Ek weet ook jy is en sal goeie vrou wees. Daar is woorde van ‘n liedjie wat by my vassteek oor wat ons vir mekaar sal wees:

“Jy is die eerste paaiement van my verdiende loon.”

Advertisements

Hoe oorkom jy die onmoontlike?

Ongelooflik moeilik. Ongelooflik maklik. Erens tussenin? Dit hang af van persoon tot persoon is so sinnelose antwoord. Want daar was goed wat in my lewe gebeur het wat die emosionele sy van dit vinnig verby gegaan het. Dan is daar kleinighede wat my amper enige tyd kan laat in dye stort. Dis rof want mens weet nie vir jy deur iets gaan hoe jy aan die ander kant gaan uitstap nie.

So wat help my om in my moeilikste tye te kan bly funksioneer tot ek weer kan floreer? God verseker. Musiek. Vriende. Hierdie is weereens te generies. Dit maak dit nie minder waar nie. Maar ek wil iets deel wat vir ander ook kan help. Ongelukkig het ek nie ‘n pil nie, ek het die ‘n obskure mantra wat jy kan resiteer as jy jou bene agter jou ore knoop nie. Wat ek het is my waarheid.

Sien ek glo jy vind jou vrede by God. Ek glo net jy kry dit deur eerlik met God te wees oor hoe jy voel. Toe my vrou oorlede is was ek eers ongelooflik kwaad, nie oor wat van my geneem is nie maar oor wat my kinders ontneem is. En ek het dit met God gedeel. Die langer en meer ek met Hom gepraat het die meer het ek in Sy wese gebly en die vyand nie kans gegee om my wond te vergiftig nie. Ek besef elkeen is anders en jou pad moet werk vir jou. Maar eerlikheid teenoor God het vir my genesing gebring.

Dan is daar iets wat ons as mense partymaal vergeet in ons krisis tye en dit is dat daar mense om ons geplaas is. Mense wat help, wat bid, wat nuwe hoop vir ons gee, wat ons op snaakse wyses net wakker laat skrik. Sien die onmoontlike voel net onmoontlik as jy dit op jou eie probeer aandurf. Jy is nie alleen nie. Ek gee nie om wie jy is of wat jy deurgaan nie, ek WEET jy is nie alleen nie. Hoe kan ek dit sê? Sien selfs vreemdelinge kan jou help. Die sak pakker by jou supermark mag dalk net iets sê wat stigtend is. Dit gebeur, glo my. Mense met wie jy nog nooit rerig verbintenis gehad het nie word spesiaal uit die bloute uit. Onthou net altyd om in jou krisis tyd oop te wees vir genesing, maar versigtig te wees vir die vyand.

Daar is ‘n engelse spreekwoord wat sê “Fake it till you make it” en dit is baie waar. Jy gaan nie noodwendig van dag 1 af ok wees nie. Jy gaan selfs na jy ok is dae hê wat jy moet van die pad af trek en die huil bui net uitkry. Jy gaan weer kwaad word, maar jy gaan ook weer lag. Die lewe is rof, en seer en aaklig met ons. Tog is dit ook op soveel wyses wonderlik bo enige menslike verwagting. Klou van aan die wonderlike oomblikke. Leer om die houe van die lewe af te lag, want dit houe is net tydelik. Die menslike brein vergeet maklik die seer. Werk jy net daaraan om aan die goeie herrinneringe vas te klou.

Jy kan die onmoontlike oorkom. Vrede.

Volg jy jou Passie?

Hierdie is iets wat ek uit en uit in glo. Sien vir my is om jou passie te volg die enigste werklike manier na geluk. Hetsy dit werk is, verhouding, jou stokperdjies of watookal anders jou vlammetjie aansteek maak nie saak nie.

Wat is die passie waarvan ek praat? Dit is dat wanneer jy iets doen dit nie jou energie tap nie, maar jou energie gee. Dit is die goed wat jy doen of ervaar wat jou naby aan God laat voel al is jou passie rondom ander mense. Sien passie vir my is waar my hart in tyd klop met God sin. Dink aan ‘n spookasem masjien, die meer daardie stokkie op die regte afstand is en in die bak bly die meer spookasem bou op. Dieselfde gebeur met jou energie vlakke as jy doen dit waar jou passie is. As jy iets doen en jou energie vlakke tel op is jy heel moontlik besig met iets wat vir jou ‘n passie is.

Het jy net een passie? Ek glo nie so nie. Ek is mal oor lees en skryf. Ek is mal oor tyd saam my kinders. Ek is mal oor in liefdevolle verhouding te wees waar ek die ander persoon kan op die hande dra. Ek is mal oor mense help. Daar is seker nog maar julle kry die idee. Dan is daar tye wat ek goed doen waarvan ek niks hou gewoonlik nie maar dit bring vir my daardie selfde energieke gevoel. Met tye is van die goed wat my altyd laat goed voel net nie meer lekker nie. Dit is normaal. Ons bly immers nie dieselle mense nie en God werk daagliks aan ons harte, wat beteken ons passies sal verander. Dit moet, maar dit sal ook groei en dieper word.

Moet jy jou passie regverdig? Ek moes vir lank tyd met myself redeneer, sien my passies en normale manier van goed doen en sê is redelik op die man af. Vir ‘n baie lang tyd het ek gedink dit is verkeerd, want hoe ek is, is nie polities korrek nie. Ek doen nie as reel die hele ‘stel dit sag’ ding nie. Ek glo ten volle in gaan 100% of los dit. Dit is nie die normale. So die vraag het by my opgekom, is ek verkeerd, want ek hou nie van mense seer maak nie. Die antwoord is nee, ek is nie verkeerd nie en hoef nie myself aan iemand te regverdig nie. Dit beteken dan jy wat hierdie lees hoef ook nie. As jy 80 is en hou van papiervliegtuigies vou hoef jy dit aan niemand te regverdig nie. Dit is nie verkeerd nie. God se hart is in wat jy doen en hy gaan erens jou gebruik met dit. Jy mag dit dalk nie eens weet nie.

Kan jou passie vernietig? Ongelukkig ja. Die probleem waarmee ons almal sit is ons is net mense. Ons maak foute, ons misinterpreteer goed. Ek is mal oor mense op te lei en goeie raad te gee. Ek het gedink dit beteken ek moet altyd help as mense in moeilike situasie is. Ek onthou hoe kwaai Lisma met my geraak het oor vrouens ‘n saamry geleentheid te gee toe ek en sy nog vriende was. Want Suid-Afrika is gevaarlik ens ens. Dit het skade aan ons vriendskap gedoen tot ek gestop het. Ek moes leer dat net omdat ek kan help dit nie my plig is om almal te help nie, al is dit my hart. Jou passie mag dalk jou verhoudings onder druk plaas. Wees versigtig met jou passie dat dit nie skade maak wat onherstelbaar is nie. God sal ook nie jou passie jou verhoudinge laat swaar kry met jou gade nie. Jammer mans, dit beteken visvang elke naweek as jou vrou die viswater haat is nie aan nie. Vrouens, jou vriendinne en Facebook is nie wie eerste jou liefde nodig het bo jou man nie. #sênetslaanmylater

Kan jy jou passie uitleef in die kerk? Ja. Nee. Is jou passie om scrapbooking te doen gaan jy moeilik dit as weeklikse aktiwiteit in die kerk kan doen. Jy gaan dalk wel ‘n scrapbooking groepie kan begin en jou lede of vriende wat dit bywoon kan Geestelik versorg. Dit is tog eintlik die punt van kerk is dit nie? By my kinders se skool is daar bord op as jy uit die kerkterrein ry wat sê: “Die kerk verlaat nou die terrein”. Dit is baie waar. Ek sê nie jy moet jou passie vir Hard Rock gaan probeer uitleef elke sondag nie, maar wees oop vir die geleenthede wat God jou gee om mense aan te raak.

Is jou werk jou passie en as dit nie is nie wat nou? Taai een hierdie. Sien dit wat ek nou doen is wat ek nog altyd wou doen in bankwese. Maar vir die eerste 8 jaar van my loopbaan moes ek ander goed doen wat minder lekker was ter voorbereiding na die pos wat ek altyd wou gehad het. Net so is daar vandag ander goed wat ek eerder sou wou doen as wat ek nou doen. Mens is ook nooit tevrede nie. Ek weet van mense wat 4 keer my salaris maak en doen wat altyd net stokperdjie was. Dit is die droom. Dit is nie vir almal nie. Ek het ‘n vrede gekry deur te besef dat dit wat ek vandag doen stel my in staat om genoeg van my passies uit te leef dat dit ok is om nog nie iets anders te doen nie. Vind die vrede wat jy kan waar jy nou in jou lewe is. Onthou die lewe is elke dag ter voorbereiding op iets in jou toekoms. Niks is verniet nie.

Laastens wil ek net die volgende punte maak. Dit is 99% kans dat jou familie vir jou passie gaan wees. As dit nie is nie vind dringend uit wat fout is in jou verhoudings. As jou maat liefhê nie vir jou passie is nie maak plan, vinnig. Waar daar liefdesbande bestaan moet daar wedersydse passie wees en moet daardie mense in jou lewe prioriteit wees. Anders mis jy die grootste wapen wat ons het teen die vyand in hierdie wereld. Huise wat in liefde God eerste dien. Vrede.

Lesse wat God my leer

Hierdie is vir my `n baie persoonlike post. Sien, daar is mense wat in my lewe is/was wat hulleself hierin gaan lees. Daar is ook ander wat dit gaan dink en helemal verkeerd gaan wees. As jy wonder, voel vry om my te kontak of boodskap aan die einde te los.

Hierdie is daadwerklike lesse wat ek geleer het of moes leer. Partykeer was daar ‘n direkte seën wat oor my gekom het sodra ek die les geleer het. Partykeer nie, of minstens nie wat ek gesien het nie. Kom ons begin.

1. Eer jou Vader en Moeder. Hierdie was vir my as net-klaar-met-matriek-Affie-man aanvanklik baie moeilik. Sien, ek was redelik selfversekerd (lees arrogant as jy wil) en gewoond aan my eie ding doen na meeste van 5 jaar in die koshuis gebly het. So dit was maar taai om terug te kom onder my male se dak. So tipies Oud-Affie besluit ek ek trek uit by my male en saam pel in woonstel in. Op salaris van R1500 waar my huur ook R1500 was. Slim kind ek, belowe! Gelukkig het my male gehelp, en nuwe werk ens ens. God sorg vir ons, glo my. Daardie tyd was een van die moeilikste tye wat ek deurgegaan het. Sien, ek het nie kontak gehad met my ou vriende (lees broers want dit is wat hulle is) nie, ek het twee pelle gehad, meisie probleme (Alex – as jy hierdie lees hou op lag, 🙂 ; ) was daagliks gechallenge om beter te lewe (Weereens, Alex, hou op!) en emosioneel moes ek leer volwasse word. So hoe kom God en ‘Eer jou Vader en Moeder’ hierby in? Sien ek het nie gehou van waar ek was nie. Ek het vasgevang gevoel in my dorp, omstandighede en in konflik gewees met my ouers. Toe kom daardie oomblik een sondag in die kerk toe ek besef maar ‘Eer jou Vader en Moeder’ beteken nie ek moet met hulle saam stem nie. Dit beteken ‘Eer hulle’. Dit beteken vergewe hulle vir hulle foute soos jy dit sien want hulle is mens. Dit beteken dat al stem jy nie saam nie respekteer jy hulle in hoe jy hulle hanteer. Dit beteken jy is nou groot en maak jou eie besluite, en ek alleen staan pa vir my eie lewe en moet my ouers Eer vir hulle bydrae in my lewe. Daar is van julle wat met julle ouers lelik baklei, of dalk rerig swak ouers het. Vergewe hulle, wees lief vir hulle, eer hulle en beweeg aan. Die dag toe ek dit begin doen het God my bevorder uit daardie dorp uit na beter posisie waar ek die jongste in my rol was in die geskiedenis van die maatskappy. Die beste van alles? Dit het gebeur binne twee weke toe ek my les geleer het.

2. Verhoudings gebeur met ‘n rede. Sien God het my gemaak om van mense te hou. Ek is redelik mal oor mense te leer ken en hulle te help, selfs tot my eie nadeel. Lank gelede toe het ek op ‘n plek gestaan waar ek moes ‘n keuse maak. Die keuse het my die verhouding gekos wat ek gedink het tot my huweliksmaat sou lei. Maar die verhouding was nie bedoel vir dit nie, maar eerder om my die eerste smaak van goeie vriendskap met goeie vrou te hê. Dit het my in staat gestel om vriendin te help later wat deur baie eensame en moeilike tyd gegaan het. Ek het vriendskappe wat met tye nie deel is van my lewe nie maar dan weer opvlam en my dra deur tye. Ek moes leer dat party verhoudings nie oor my gaan nie, maar oor wat ek vir die ander persoon moet doen. Ek het verhouding gehad waar ek moes leer dat ek is belangrik genoeg om waardig hanteer te word. En dit is ongelukkig ‘n toets wat ek elke nou en dan moet oor skryf selfs in eenvoudige vriendskappe. Sien God het my tot die besef gebring in my lewe dat met my ek meeste van my lesse uit verhoudings met mense gaan leer, selfs die lesse wat seer maak of wat ek weer moet skryf. Elkeen van ons het daagliks te doen met verhoudings. Is daar lesse wat jy moet leer? Is die verhouding een wat jy iets vir iemand anders moet beteken? Ek het by Pastoor geleer dat mense partykeer net waarde sien in jou posisie en wat jy vir hulle kan doen en niks meer nie. Deels hoekom ek net 2 pastore werklik vertrou. Hulle is ook maar mens, sien.

3. Jy is perfek nes jy is ongeag jou verlede. ‘n Vorige post het ek gepraat oor nie skaam te wees vir jou verlede nie. Die les wat ek moes leer saam dit is om nie weg te kruip vir wie ek is en waar ek vandaan kom nie. Ek het vriende wat vir tyd op straat gebly het tydens hoërskool. Vriendinne wat seksueel seergemaak is. Vriende wat brandarm grootgeword het. Hel, ek dink daar is by elkeen van ons hierdie tipe letsels uit ons verlede wat ons gemaak het wie ons is vandag. God het my geleer om myself te aanvaar nes ek is. Uit daardie aanvaarding het ek veral onlangs weer my eie innerlike passie ontdek. Is ek aanvaarbaar vir almal, nee! Hel, vra my pelle hoe ek meisies mee geflirt het op skool, was helemal mal gewees buiten vir die feit dat dit gewerk het. Die punt is dat ek en jy is uniek. Ongeang wat jou gemaak het wie jy vandag is. Ongeag jou behoeftes. Ongeag jou persoonlikheid, manier wat jy glimlag of lag, siening op die lewe, God en Donald Trump. Wie jy is, is uniek. Perfek. Niemand buiten jou Skepper se woorde moet enige waarde vir jou hê oor hoe jy is nie. As jy die enigste swart klippie is in ‘n see van wit is daar rede voor, en jy is perfek nes jy is, waar jy is.

4. Jy is werklik tot alles in staat deur die krag wat God jou gee. Hierdie is les wat ek eers onlangs voor kon naam gee. God bring nie slegte goed oor jou pad nie, maar Hy gaan ook nie ‘n geleentheid laat verby gaan sodat jy sterker en beter kan raak nie. Sien ek tik hierdie vanaand as enkel pappa van 3 wonderlike kinders, al 3 is gebad, lekker kos geeet (spagetti bolognaise vir die nuuskieriges) en het ek mee kwaliteit tyd spandeer vanaand. Is dit maklik? Nee. Is dit moontlik om huis van vrede te hê tenspyte van goed wat gebeur in ons lewens? Verseker! God dra jou op tye wanneer jy self voel jy staan sterk maar is eintlik net vervul met Sy krag. Ek en famielielid sit en gesels en lag eintlik oor die ongelooflike hoeveelheid aanslae wat oor ons paaie gekom het onlangs. 1001 verskillende goed wat die vyand probeer, om ons te roof van ons vrede.Ek kan eerlik sê ek het meer teespoed gekry in die laaste 4 maande as die laaste 14 jaar. Ek lag daaroor, want sien ek besef die goed kom nie van God af nie, so dit kom van die vyand af, en hy gaan my nie uit die hand van my Meester vat nie. Jou lewe is moontlik op beter of slegter plek. Dit maak nie saak nie. Hou net vas aan Sy hand en Hy vat jou deur enige iets.

Ek het probeer om die groot omvattende lesse wat ek geleer het te gebruik hierbo. Dalk bring dit inspirasie vir een van julle. Dalk lag jy dit af en gaan aan. My enigste hoop is dat die van julle wat dit moes lees om iets mee gevoed te word hierdie sal lees. God leer my in soveel maniere buite die kerk dat ek besef ons moet elke dag soek vir God se Hand wat ons wil stuur na nuwe insig en kennis. Beteken dit ek leer niks binne die kerk nie? Glad nie, ek verwys na die feit dat God vir my goed leer in elke oomblik van my dag, nie net binne ‘n kerk diens nie. Ek hoop jy leer die lesse wat God vir jou wil leer vinnig dat jy die seën soveel vinniger op kan afkom.

Is bagasie jou handbriek of trappie?

Die laaste tyd word ek self baie gekonfronteer met hierdie idee van ‘bagasie’. Vriende gesels en ek kom toe agter almal sit met dieselle goed al is dit wat in ons tassies is nie dieselle nie. Van ons se rue is al krom van ons tassies dra, van ons swaai die tassies heen en weer en huppel. Hoekom is dit? Is een persoon beter of sterker as ‘n ander? Ek glo nie.

So, is bagasie iets waaroor ek of jy moet skaam wees? Nee. Hel nee! Hoekom sal ons skaam wees vir die goed van ons verlede wat die mens wat ons vandag is, gevorm het. Van dit wat ons dra was dom foute, verseker. Van die goed is waar ons mislei is. in beide gevalle is daar lesse wat ons moet leer. Hierdie lesse is nie noodwendig dat jy dit nie weer moet doen nie, heel moontlik net dat jy dit anders moet doen. Langer moet wag. Die les kan wees om te leer om weer te vertrou ten spyte van wat aan jou gedoen is anders ontneem jy jouself dalk van iets wonderliks later in jou lewe. Dit kan wees sodat jy die wysheid het om te kan vergewe voor die Duiwel by jou steel in die toekoms. Ek weet nie. Wat ek wel weet is ek is nie meer skaam oor my verlede nie. Daar is genoeg goeie goed om die sleg te kan balanseer in my eie oë, en dis al wat tel.

Daar is soveel letsels wat mens kry as iemand jou seergemaak het. Soveel verharding wat saam met ons bagasie kom partykeer. Tog praat ons van ons harte as klip terwyl dit ‘n spier is. Deel is van ‘n liggaam wat kan genees. Dis net moeilik. Letsels word hart van vrees vir dieselle seer weer te kry of dalk omdat ons altyd aan die seer plek torring en nooit vergewe werklik nie. Vergifnis… Nou daardie is die liewe Vader se vitamien E olie. Want elke keer wat jy die besluit maak om weer te vergewe sit jy van daardie olie op daardie seer. Tot eendag wat die letsel weg is. Die hartseer kom in as ons nie daardie vergifnis toepas daagliks nie. Want sien, letsels kan groei ook. Jou lewe oorneem. Jou toekoms en geluk vernietig.

Die eerste ding wat gebeur as jy iemand ontmoet vir die eerste keer na die ‘hello, hoe gaan dit’ stadium is ons begin one bagasie deel. Dit is subtiel partykeer, of op die man af in my geval. Mens doen dit, volgens my, want mens soek aanklank en aanvaarding by wie jy jou bagasie deel. Dit kan kollega, vriend of vreemde persoon in die ry by Binnelandse Sake wees. Pasop vir daardie ry, die gesels tyd hou nooit op nie. As jy gelukkig is vind jy aanklank en vriendskap vorm. Dalk is net dit net genesend om dan te hoor wat in iemand anders se lewe gebeur het. God sit jou nie in geselskappe sonder rede nie. Ek glo ook glad nie in toeval nie. Alles gebeur met ‘n rede al vind ons nooit uit wat daardie rede is nie. As jy regtig gelukkis is vind jy boesemvriend of nuwe liefde met hierdie deel.

Bagasie moet die trappe wees wat van jou meer maak as wat jy nou is. Let op ek gebruik nie die woord ‘beter’ nie. Jy is goed genoeg nes jy is. Glo dit met jou hele wese. Dis waar, ongeag wat iemand vir jou in die verlede gesê het. Leer die lesse wat jy moet leer, ken die ‘shit just happened’ oomblikke uit wat jou kragte net toets.

Moet nooit dat die goed in jou tassies jouself of die mense naby aan jou seermaak nie. Jou tassies is nie iets waaroor iemand jou kan veroordeel nie. Dit is net deel van wie jy is vandag, nes jou sproete. Wees volwasse genoeg om vrede te maak met jou bagasie, dan word jou tassies die trappe waarop jy staan om die podium uit te klim en nie die ankers wat jou vas pen aan die grond nie.

Kan ons “compromise” met seks

So laat dit vir my les wees as ek vra vir wat ek oor moet tik. Hierdie is weereens my waarheid, as dit jou kwaad maak… Jou probleem, nie myne nie.

Om hieroor te praat gaan ek eers my twee siening gee oor seks.

1. Dit kom rerig van God af. Sien as jy seks het met iemand is daar `n binding wat plaasvind. Jy word een met die ander persoon. Die Bybel sê juis dit is presies wat gebeur. Eenvoudige tog seer toets vir dit? Breek op met iemand wat jy mee seks gehad het. Vergelyk daardie pyn met iemand wat jy mee opbreek wat jy dit nie meer gehad het nie. Soos die engelsman sê “Point proven”.

2. Dit is of die mees wonderlikste ervaring en word elke keer beter (buiten vir die tye wat dit net nie werk nie) of dit is die mees sielsdodende ding wat jy aan enige verhouding kan doen. Toets vir dit is maklik, maar moet nie jou partner vra nie want as hy die waarheid praat gaan dit net julle alby skade doen. Hê seks vanaand met jou partner, maar jaag net jouself na, hou jou oë toe, en as jy joune gekry het stop. Ongeag jou maat. Seer ne? Dis omdat seks liefde is, en wanneer jy dai kosbaarheid minag, of “halfheartedly” doen maak dit seer. Sien punt 1.

Ok, so “compromise”… Ek gaan my opinie gee volgens Hoe, Wat, Waar en Wanneer.

Hoe: Nee, ek gaan nie posisies verduidelik nie. Hierdie is nie porn nie. “Hoe” doen mens seks om die meeste vir mekaar te kan beteken. Om alby in ag te neem sonder dat een van die partye verstoor of afgeskeep voel. Met liefde en aanvaarding. Vir my beteken dit dat elke vorm van intimiteit wat jy met jou maat deel liefde is. Dit beteken Dat jou gesindheid reg moet wees. By `n huwelikseminaar het die preker gesê “As jou vrou vir jou iets mooi aangetrek het, en al het jy die dag jou dag van hel gehad, vat 5 minute en stort en waardeer wat jou vrou gedoen het ongeag wat jou dag was.” Want hoe mens seks het is 100% jou gesindheid. Of jou maat wil hê jy moet haar hare trek ens ens is julle eie behoeftes en voorkeure om uit te werk. En daar is niks verkeerd met enige van die tipe goed nie want jou gesindheid is liefde. Dis `n mispersepsie oor die hele BDSM ding ongeag hoe ver jy dit vat. Maar dis `n hele ander post op sy eie. So hoe “compromise” jy op die hoe wat eintlik jou gesindheid is? Jy doen nie. Punt.

Wat: Wat is seks, wat is liefde maak en hoe maak die goed sin? Dis maklik. Alles wat tussen jou en jou maat gebeur is liefde maak. ALLES! Want dit is tussen julle twee, tussen twee mense wat lief is vir mekaar en veronderstel is om mekaar ten volle te aanvaar. Nou hier kom daar baie compromise in. Twee mense wat soos volwassenes kan praat oor hulle behoeftes sal genoeg middlegrond kry om mekaar te kan bevredig. Sien, jou man mag dalk daarvan hou dat jy hom domineer of vice versa. Julle mag dalk quickies doen, of 100 ander goed wat tussen 10 mense nie vir een ewe veel beteken nie. Jy en jou maat moet openlik kan gesels oor hierdie goed. Want wat vir julle die intimiteit in julle verhouding bou is nie wat vir iemand anders werk nie. Vind julle middelgrond wat van goue liefde gemaak is en bevorder julle verhouding se intimiteit sonder om mekaar te veroordeel.

Waar: Met die ligte af, in julle eie bed alleenlik en ook nie as daar gaste is nie. Nee!! Waar is God vir julle lief? Net in die kerk? Orals ne? So hoekom is julle intieme lewe net vir in die donker? Jou man mag dalk net sy vrou vir wie hy lief is kan sien in die lig. Jou vrou sal dalk net erens buite die huis tussen vriende wil sien jy kyk vir haar asof sy al een is wat bestaan. Maar hierdie is een van die goed wat julle as couple moet saam aan werk. Want dit verander met tye, as julle kinders het is dit nie dat julle minder tyd het nie, julle moet net meer kreatief wees. En baie meer gesels om seker te maak julle mis nie die verhouding tussen mekaar op uit nie. Timothy Kieswetter het `n show/boek wat sê “Seks in die kombuis en ontbyt in die bed”. Dit is die beste beskrywing vir die regte sienswyse volgens my.

Wanneer: Heeltyd. Maar Francois mens kan nie heeltyd/elke aand/een keer per week nie. Blah Blah Blah. Nonsens. Intimiteit en seks kom vanuit mekaar se liefdestale praat. Jou liefdestaal, intimiteit en seks is alles een volgens my. Dit beteken elke dag julle liefde aan mekaar bewys. Dit beteken nie jy is verantwoordelik vir jou maat se geluk nie. Glad nie. Maar jy is verantwoordelik vir of jou maat geliefd voel of nie. Hoe kan ek dit sê? Maklik, sien ek glo jy moet jou maat dien in alle opsigte. Jullemoet mekaar dien in alle opsigte. Mekaar se liefdestale praat. Jou maat het dalk een keer `n maand lunch saam jou nodig dan voel hulle wonderlik geliefd vir die maand. Of sy het 5 minute elke dag nodig. En so kan ons dit vat na elke liefdestaal. Weet wat jou maat nodig het, en gee dit vir haar. Wat het dit met “compromise” te doen? Wel, hierdie is intern vir my. Want om vir jou maat geliefd te laat voel moet jy jou eie tyd en geld en ambisies partykeer “compromise” sonder dat jy dit noem vir jou geliefde. Jy gaan moet opoffer wat vir jou belangrik is ter wille van jou verhouding. Wat maklik is as julle alby voluit gee. As jy en jou maat deru rowwe tyd gaan en nie kan nie is dit ok, solank die norm herstel word na tyd. Julle norm. Julle is dalk `n een keer `n jaar couple. Solank dit vir julle werk, wie gee om. Wees net eerlik met mekaar en vind die goue middeweg.

“Compromise” is so maklik in die begin, maar word partykeer `n magstryd in verhoudings.

Vir die vrouens: Jammer vrouens, maar julle is gewoonlik skuldig met dit. Want julle mans soek julle en dis die wortel en stok argument. Die hartseer is dit breek die vrye intimiteit af. Dit breek mans se jagtergees, dit maak van jou in jou man se oë nie die bokkie wat hy wil jag nie maar die skaap wat hy elke dag moet skeer. Die een is opwindend, die ander een is sielsdodende werk.

Vir die mans, moet nooit dat jou maat voel hulle is jou opoffering in die lewe nie. Hulle is die beste maat vir jou, dis hoekom jy haar gekies het. Meet jou opoffering nie aan wat jy verloor nie (daardie golfdag is net so lekker as jy half 6 by die huis kom eerder as 10 uur) maar in wat jy wen. Want ek glo `n vrou wat weet haar man stel haar eerste in sy lewe sal blom soos die mooiste roos en jou elke dag amper amper aanbid.

So dis my gedagtes, as iemand iets het wat hulle wil hê ek oor moet gesels stuur my boodskap.

Geduld gaan jou maak of breek

“Patience is a virtue” is iets wat ek gereeld hoor, mag dalk iets met my ongeduldige natuur te doen hê. So ek het besluit om my gedagtes omtrent geduld op die internet te gooi in die hoop dat mense my en mekaar beter verstaan.

Geduld met familie. Die van julle wat perfekte familie verhoudinge het is welkom om na die volgende paragraaf te gaan terwyl julle in die naaste, beste deur vasloop. Regtig. Loop vinnig. In elk geval. So families het drama, wie sou kon raai. Maar dis omdat hulle mense is, mense met `n definitiewe belang in jou lewe. Ons kan daaroor stry, baklei of dit probeer wegvee maar dit bly die waarheid. Of minstens myne. Maar families het ook die gawe om ons plek van veiligheid te wees. Die plek waar al is jy hoe mal of dom met tye is hulle waar jy kan veilig voel sonder om veroordeel te word. So wees geduldig met jou familie, uit `n liefde vir wanneer jou piesang die dakwaaier tref as vir geen ander rede nie. As jy gelukkig is word hulle die plek waar jy jou batterye kan herlaai. Jaag dit na.

Geduld met vriende. Hier het ek nie so baie om te sê nie want dis vriende. Dis mense wat jy kies om in jou lewe te hê. Niemand forseer jou nie. Jy kan ander vriende kry. Maklik redelik. Maar ons praat nie van die oppervlakkige tipe nie, né? Geduld met ware vriende is gesetel in die uitgangspunt dat hierdie mense is wat jou lewe deel. Al wie moontlik hulle kan afkeur is jou wederhelfte. (Sy/hy sal nie tensy jy of die verkeerde vriende of wederhelfte het, as jy klaar jou wederhelfte gekies het… poefstraat vir jou met jou verhoudinge balanseer in die toekoms, jammer hoor!) Geduld met hierdie mense is wanneer hulle goed doen wat jou seer maak, of laat wonder of hulle mal geraak het, of met mense betrokke raak wat jy net jou kop kan skud vir die trein ongeluk wat jy kan sien gaan gebeur moet jy probeer geduldig bly. Geduldig wees in hulle ondersteun. Tenspyte van enige omstandighede. Geduldig wees met hulle planne, drome en aksies. Want hulle is jou gekose broers en susters. Jy moet lief wees vir familie. Maar hierdie vriende? Dis `n keuse en vir die wat my ken weet die keuse om lief te hê is belangriker as enige iets anders. Want jy kies, konstant om lief te hê ongeag enige iets.

Geduld met jou meisie/ou/verloofde maar nie met jou gade nie. Hoekom sluit ek jou gade hier uit? Want as sy/hy jou gade is het jy klaar gekies om lief te hê en dis vir die volgende paragraaf se bespreking. Jou meisie/ou verdien minder geduld as enige iemand anders. Ja, ek het dit gesê. Hoekom? Want hierdie is iemand wat jou najaag net soveel soos jy haar/hom najaag. As julle mekaar najaag met ewe veel “effort” is dit nie nodig vir euld nie. Want die ander persoon stel jou eerste. Dit is veronderstel om maklik te wees teenoor mekaar. Gevoelens, aksies en “affection” (mal oor die engelse woord) behoort maklik te wees want dit moet vanself kom. Julle is immers in die stadium van `n verhouding waar alles lekker is, selfs sy bier asem of haar praatjies oor haar 70,000 vriendinne se ouens se katte/honde/visse. Maar. As jou verhouding bagasie het (kan regtig enige iets wees) moet jy geduld hê. Nie in wat teenoor mekaar gebeur nie, want hierdie eerste tye is dit wat die normale emosionele mikpunt in julle verhouding behoort te wees. Die geduld kom in by met die bagasie werk. Het hy/sy `n tronkvoël broer of suster? Dis iets waarmee jy geduld moet hê en moet ondersteun. Het hy/sy kinders/moeilike familie/Ex wat krap/moeilike werksomstandighede/te veel of te min geld ens ens. Hierdie is bagasie wat mens stadig uitpak en hanteer. Dit moet en mag nie die vreugde van die begin steel nie. Want jy knou `n sagte hard af wat nog nie saam jou hart geleer het sterk word in moeilike tye nie. Geduld kan hier jou breek, of jou verhouding. Maar om hemels naam kyk eerste na jouself want jou geluk kom eerste, anders gaan jy nie ander uit jou geluk kan voed nie.

Geduld met jou gade is lekker, swaar met tye en presies wat jy voor geteken het daardie dag in die kerk/onder die boom/voor die hof. Dis die geduld van ware liefde. Ware liefde is die keuse liefde. Die keuse waar maak nie saak wat die mans/vroumens aanvang nie jy kies om lief te bly. Kan mens geduld hê ten alle tye? Ja. Jy kan. Dis wragtig moeilik maar jy kan. Want jou ongeduld hier kom uit `n persepsie dat jou maat perfek is. So vra jouself, is jy mal of dom? Want ek weet vir `n feit ons is almal mense met foute. Persepsie. Sien, vrouens veral dink hulle mans is perfek. Perfek genoeg om alles te onthou wat hulle vra, wat hulle genoem het laas week, die inkopie lys te kon memoriseer ens ens. Mans weer dink hulle vrouens is perfek want sy weet hy wil gereeld intiem wees en dink sy is nog net so warm soos op hulle troudag, sy weet hy hou van sy koffie net só, sy sokkies en onderbroeke moet so gevou wees. Ok, van hierdie en 100 ander voorbeelde is dalk nie van toepassing nie maar julle kry die boodskap. Dit is wat persepsie doen, dit skep valse verwagtinge. Gee jouself jou `n tik teen die kop en hoor of jou skroef nou vas is? Want geduld is wat jy hier moet hê met `n maat wat net `n mens is. `n Mens met foute. Wat goed vergeet. Wat gemaklik raak om jou. Verskoon ek dit? Nee, hel nee! Maar ons met geduld hê sodat ons kan kalm sit en oor goed praat en dan met `n liefdevolle hart weer daardie eerste verliefdheid se aksies en gewoontes kan optel en mekaar se liefdestale praat. Dis jou maat. JOUNE! Jy het homhaar gekies bo alle ander. Hoe kan jy ooit minder as jou beste wil gee vir die een wat jy gekies het bo alle ander?

Laaste een is vir my. Jou. Ons elkeen. Wees geduldig met jouself. Met jou foute. Met jou gewoontes. Met die goed wat jy in faal. Gee jouself `n breuk. Jou lyf word nie in een dag in die gym gebou nie. Jou graad kry jy nie na 1 klas nie. Jou emosionele welstand is nie (altyd) terug na 1 dag se “ek-tyd” nie. Dit vat 2. Of 3. Of `n 100. Wees geduldig met jouself. Ek WEET hoe dit voel om harder op jouself te wees as ander. Dit is maklik om jouself onder kruisverhoor te neem want jy het nie iemand om dan jouself teenoor jouself te verdedig nie. Breek daai gewoonte en gee jouself `n breuk. Verstaan dat jy besig is met iets, dat dit `n pad is wat jy moet stap. Pad. Wat. Jy. Moet. STAP! Nie hardloop nie want dan ontneem jy jouself die geleentheid dat die lesse insink. Nie kruip nie want jy is nie `n slaaf nie. Stap, saam met God deur jou eie lewe wandel. Ek gee nie om wat jou behoeftes, gevoelens of persepsies is van jouself nie. Aanvaar dit. As jy dit wil verander wees geduldig met die proses. As jy nie wil nie en dit veroorsaak dat jy foute maak (wat jy dalk mee gelukkig is in elk geval) skud jou kop vir jouself, glimlag en wandel voort. Niemand moet jou afkraak nie, minste van almal jy, jouself.